当前位置:主页 > 日报大全 >估你唔到fusion系列!铁板 pancake 汉堡 西式 >

估你唔到fusion系列!铁板 pancake 汉堡 西式

   「又鹹又甜?因住生飞滋!」细个嗰阵应该听过唔少长辈讲呢番说话,但偏偏有班80后唔信邪,将甜椰椰嘅枫糖浆 pancake ,加埋鹹鹹地嘅烟肉同烟燻火腿一齐当汉堡食!仲将啲肉酱意粉炸到脆卜卜,似足两面黄!真係估你唔到喎!

80后主理 fusion玩味菜式

呢间LittleBreakCoffee&Kitchen 早前喺荔枝角开业,今年7月冲出九龙,喺上环苏杭街开分店,主理店舖嘅係班不甘平凡嘅80后,负责人Will同Jan锺意将佢哋喺外国生活经验,融入食物同饮品入面,有时又会加入下一啲中式元素入西餐度,整下fusion 菜!

估你唔到fusion系列!铁板 pancake 汉堡  西式
店内设计走简约风格,用黑、白、黄为主色,够晒醒神。

鹹甜铁板pancake汉堡

呢味Ham So Excited,灵感係嚟自Will喺伦敦Breakfast Club食过嘅 pancake 汉堡 。Pancake夹住烟燻火腿,再以煎蛋同煎到香脆嘅烟肉片铺面,食之前淋上枫叶糖浆,食落就好似将成份早晨全餐放入口咁,有糖浆嘅甜味,又有烟燻火腿嘅鹹香味,个味道都几丰富!但如果唔锺意又鹹又甜,建议一开始唔好加糖浆住喇!

估你唔到fusion系列!铁板 pancake 汉堡  西式
Ham so excited(热香饼汉堡) $80
估你唔到fusion系列!铁板 pancake 汉堡  西式
打开上面只蛋,啲蛋流埋落pancake度食,仲邪恶!

两面黄 x 肉酱意粉?

肉酱意粉几乎人人都食过,但炸到脆卜卜嘅,你又食过未?整呢道脆炸意大利麵嘅灵感,竟然係嚟自同西餐大缆都扯唔埋嘅中国菜两面黄!意大利麵炸至脆身,淋上以猪肉及牛肉製成嘅肉酱,中间夹住芝士,打破太阳蛋,让蛋浆流入意粉入面再食,意粉好香脆,肉酱味道浓,夹埋都几有惊喜!

估你唔到fusion系列!铁板 pancake 汉堡  西式
特色芝士肉酱脆炸意大利麵(配饮品) $108
估你唔到fusion系列!铁板 pancake 汉堡  西式
要趁热食,如果唔係啲意粉冻咗会变硬身。

肉汁Juicy猪鞍扒

上环店限定嘅菜式除咗脆炸意大利麵之外,仲有呢味烤美国猪鞍扒,猪鞍扒煎烤至八成半熟,食落有阵香烤味,肉质鬆化仲几juicy!苹果牛油汁唔係好浓味,可以拣配炸薯条或炸蕃薯条,记者试咗炸蕃薯条,蕃薯香味浓,同埋都几够份量。

估你唔到fusion系列!铁板 pancake 汉堡  西式
烤美国猪鞍扒配苹果牛油汁(配汤及饮品) $128
估你唔到fusion系列!铁板 pancake 汉堡  西式
块扒厚厚地,熟度啱啱好,食落几juicy。

橡皮糖味青柠梳打

斋食嘢唔饮嘢好dry喎!唔使急,依家就讲嘢饮!呢杯青柠梳打其实係Lemon Lime Bitter,喺澳洲都几hit,饮落先有好大阵青柠嘅酸味,跟住有种好似食紧青柠橡皮糖咁嘅味,甜甜地又涩涩地咁。

估你唔到fusion系列!铁板 pancake 汉堡  西式
青柠梳打特饮 $42

特浓抹茶蛋糕配澳洲式latte

呢款抹茶蛋糕睇落就唔係好吸引,但喺呢度都几受欢迎,记者决定试一试。蛋糕表面烤得好脆,食落好似曲奇咁,内层蛋糕热辣辣,抹茶味几浓,但有少少乾,要加埋隔离嘅cream一齐食。如果俾多少少钱,便可以加杯咖啡,例如下图中的Magic,就是负责人Jan 喺澳洲working holiday 时成日沖嘅咖啡,同latte好似,不过咖啡比例多少少,用嘅係double ristretto同埋日本牛奶,味道浓厚,有坚果香。

估你唔到fusion系列!铁板 pancake 汉堡  西式
特浓抹茶蛋糕 $48
估你唔到fusion系列!铁板 pancake 汉堡  西式
Magic (6oz) $36

Little Break Coffee & Kitchen

地址:上环苏杭街104号秀平商业大厦地舖(显示地图)

营业时间:星期一至五 11:00am-10:00pm;星期六至日09:00am-06:00pm

电话:2503 3535

相关文章